沖绳新激玩：自驾Tuk Tuk、蓝洞潜水＠Travel佳_生活资讯_申博官网备用网址

沖绳新激玩：自驾Tuk Tuk、蓝洞潜水＠Travel佳

(Presented by Travel Expert)

天气开始暖，人都活跃起嚟，又係Travel佳计划下转旅行嘅时候喇！我素来锺意阳光与海滩，沖绳係唔错嘅选择，而且当地最近有激新玩意：自驾Tuk Tuk周围去玩，同蓝色洞窟潜水，两样都未玩过，一于复活节去玩几日！豪住一下歎靓景就perfect池喇！

沖绳潜水睇湛蓝洞窟

去沖绳当然唔少得水上活动，不过，其实水底世界仲吸引！Travel佳都有去过宿雾、布吉潜水，听朋友讲沖绳嘅蓝洞仲正。世界上嘅蓝洞唔多，其中1个出名嘅係沖绳恩纳村真荣田岬「青之洞窟」，即係蓝色洞窟。当阳光照射到神秘又美丽嘅蓝洞，海水一片湛蓝，波影嘅蓝光闪下闪下好梦幻，自然成为当地嘅潜水热点。天气好，能见度够高，会见到好多热带鱼，呢个奇观肯定令你毕生难忘！

潜入蓝色洞窟，睇住阳光喺洞口照射入去，成个洞嘅海水都变成蓝色，真係神秘又美丽。

喺湛蓝色嘅海底睇热带鱼，感觉超梦幻！

沖绳恩纳村真荣田岬嘅蓝色洞窟，係当地嘅潜水热点。

最近专业旅运有个蓝洞潜水package，香港买好套票，去到直接潜水，唔使左搵右搵潜水公司，或者惊full咗，好方便！如果夹啱指定季节同时间，个package仲可以安排夜探萤火虫，一于锁定去沖绳秘探蓝洞啦！

Tuk Tuk自驾游

有冇人好似Travel佳咁，去亲泰国坐Tuk Tuk都想有日试下自己揸Tuk Tuk？机会嚟喇飞云！地点竟然係沖绳！Tuk Tuk连司机可以坐4个人，驾驶者有普通私家车自动波车牌就揸得，操作都唔难。沖绳处处都係靓景，梗係要去恩纳村海边影相、吹下海风，又要食Agu猪、石垣和牛，仲要去美国村同Aeon Mall扫货、去美之海水族馆睇鲸鲨……揸住Tuk Tuk周围去真係好方便，仲可以毫无阻隔感受沖绳。

Tuk Tuk最高可以开到时速100公里，环岛游都几爽。

喺美国村血拼完，食埋饭，梗係要上地标摩天轮睇夜景啦。

住豪啲　270°歎靓景

去旅行梗係要歎到尽，位处名护嘅The Ritz-Carlton Okinawa係沖绳唯一可以270°睇到无敌全景嘅酒店，大部分房间都可以睇到沖绳嘅海景，部分仲有风吕，咁样歎靓景最畅快！酒店开业只有4年，好新好乾净，每间房起码有480呎，够晒阔落，放2、3个大喼都仲有大把空间。酒店嘅spa仲攞埋奖添，同女友嚟肯定开心死佢！